"NOTA" दाबावस वाटलं

ह्या २०१९ च्या लोकसभा मतदान साठी मला नाही वाटलं मतदान करावस. "नोटा" बटण वापरावस वाटलं. 

माझ्या सारख्याच अनेक तरुणांना सुद्धा नाही वाटलं  मतदान करावस.

"नोटा" म्हणजेच "none of the above" option, याने तुमचं मत वाया जात नाही. २०१४ च्या election मध्ये ६७ लाख लोकांनी  ह्या option ला पसंती दिली होती. 

का कुणास ठाऊक एका बाजूला उत्सुक असलेला तरुण वर्ग नवीन बदलाची अपेक्षा असलेला आणि एका बाजूला आमच्या सारखे काहीच होऊ शकत नाही आपल्या एका मताने जाऊद्या. 

पण मत वाया जावं अशी इच्छा मुळीच नव्हती. 

अशाच संमिश्र भावना घेऊन मतदान केंद्रावर पोहचले तर मतदार यादीत नाव च सापडेना. खूप राग येत होता आपल्या निवडणूक आयोगावर आणि उमेदवारांवर सुद्धा. 

कारण हेच उमेदवार गेल्या महिनाभर मत मागण्या साठी दारोदार फिरत होते, मग त्यांनी हि काळजी घ्यायला हवी होती कि आपल्या प्रभागात असलेल्या मतदारच मतदान यादीत नाव आहे कि नाही. 

मतदार यादीत नावच नाही म्हणून थोडा आनंद झाला वाचलो आता मन खात नाही राहणार मतदान केलं नाही म्हणून. 

का करायला हवं मतदान ???

कुठे दिसतोय विकास? 

आम्हाला काय फायदा झाला ? 

आम्हीच बेरोजगार म्हणून पडलोय सरकारी नौकरीच्या नादात.  

इथे आम्हाला च फायदा होत नाहीये तर आमच्या पुढच्या पिढीचं काय होईल? 

आम्ही जस तस गप्प बसून सहन करतोय (चूक आमचीच आहे ). मग मी का वेळ वाया घालवू माझं नाव मतदार यादी मध्ये शोधण्यात ? अरे कित्येक लोकांचं तर फॉर्म भरून सुद्धा नाव येत नाही म्हणजे कमालच झाली कि नाही? एकाच व्यक्तीच नाव ६७ वेळा कस काय येऊ शकत?

अजूनही बोगस मतदान होतच. 

भर उन्हात रांगेत उभे रहा आणि आपला नंबर आला कि  EVM मशीन च बंद पडणार. किती फालतुगिरी म्हणावी आणि देश डिजिटल झालाय म्हणे. 

हो माहितीये आधी कर्तव्य बजवावं लागत आणि नंतर हक्काची अपेक्षा करावी.. अहो पण असं कर्तव्य काय करायचं ज्याचा उपयोग च नाही होणार. 

प्रचाराच्या वेळेस हे मोठं मोठाले जाहीरनामे घेऊन येतात नंतर कुठे जातात ते जाहीरनामे? सांगा बरं तुम्ही कधी ह्या खासदारांना निवडून आल्यावर तुमच्या गल्लीत तरी उभं राहिलेलं पाहिलं आहे का ? अहो कित्येक जणांना तर तो कसा दिसतो हे सुद्धा माहित नसते.. 

त्याला कसं समजणार आपल्या अडचणी? 

चाललंय तस चालूदे म्हणत घरी परत आले, T.V. चालू केलं तर news मध्ये पण तेच कमी मतदान झालंय. 

कस होईल जास्त आणि का अपेक्षा करता तुम्ही. 

जिंकून आल्यावर फायदा तर तुमचाच होणार आहे ना मग तुमच्या मतदारांचा थोडा मान ठेवावा. तुम्ही मतदानाच्या दिवशी त्यांना नाव शोधण्यासाठी फिर फिर फिरायला लावता मग नंतर चे ५ वर्ष तुम्ही दिल्ली वाऱ्या ,परदेश वाऱ्या करत फिरता. 

तुम्ही फक्त आश्वासन देतात, निवडून आल्यावर आपला बँक बॅलन्स वाढवतात या पलीकडे जाऊन एखाद दोन रस्ते बनवतात, स्मशानभूमी बांधतात, त्या साठी तर यांना सरकार कडून निधी भेटत असतो त्यात नवीन काही नाही. 

अरे अजून किती वेड्यात काढणार नागरिकांना ?

गुढीपाडवा अन नीट बोल गाढवा!!!

मराठी नव वर्षाचा पहिला सण गुढीपाडवा!!!

ह्या वर्षी म्हणजेच ६ एप्रिल २०१९ ला गुडीपाडवा आहे.
 
महाराष्ट्रा सह आंध्रप्रदेश, तेलंगणा, कर्नाटक मध्ये मोठ्या धुमधडाक्यात नवं  वर्षाच्या जल्लोषात साजरा केला जातो.
महाराष्ट्रात गुढीपाडवा
आंध्रप्रदेश, तेलंगणा मध्ये उगादी
आणि सिंधी लोक चेटीनंद नावाने ओळखला जातो

गुढीपाडवा हा साडे तीन मुहूर्तापैकी एक मुहूर्त आहे. म्हणजेच ह्या दिवशी नवीन वस्तूंची खरेदी केल्यास लाभदायी ठरते.

चैत्र महिन्याच्या पहिल्या दिवशी साजरा केला जाणारा हा सण शालिवाहन नावाच्या योध्याच्या विजयाचं प्रतीक म्हणून घरोघरी गुढी उभारली जाते... पुढे याच राजाच्या नावाने नवीन कालगणना 'शालिवाहन शक' चालू झाला..

प्रत्येक घराची गुढी आकर्षक असते. गुढी ची रचना हि आकर्षक असून या मागे शास्त्र सुद्धा आहे.

एका लांब बांबू च्या काठीवर टोकाला रेशमी वस्त्राने गुंडाळले जाते त्यावर कडुनिबांची डहाळी, हरडे करडे        ( साखरेची गाठी ), आंब्याचे पान, फुलांची माळ बांधून त्यावर तांब्याचा/कास्याचा/चांदीचा  कलश ठेवला जातो.. हि गुढी उंच ठिकाणी पाटावर ठेवून बांधली जाते.. जिथे गुढी बांधायची ती जागा स्वच्छ करून रांगोळी काढून गुढी उभारली जाते ... उंचच उंच गुढी आकाशाच्या दिशेने झेप घेताना दिसते..

काही ठिकाणी गुढीला ऊन लागायच्या आधी गोडा धोडाचा नैवेद्य दाखवून गुढी उतरवायची प्रथा आहे तर काही ठिकाणी सूर्यास्ताच्या आत गुढी उतरवली जाते.

आरोग्य दृष्ट्या महत्व असलेली कडुनिंबाची पान आंघोळीच्या पाण्यात घालून स्नान केल्यास फायदा होतो.
असा हा सण उभ्या महाराष्ट्रात  अजूनही बऱ्याच ठिकाणी मोठ्या उत्सवात साजरा होईल.

स्त्री सशक्तीकरण

आधुनिक काळातील स्त्रीला उद्देशून...
का गं दमलीस का?
दमून कस चालेल...
का? हे विचारानं सुद्धा पाप आहे तुझ्या साठी...
तुला तर अजून खूप काही जिंकायचं
तू नाही थांबू शकत...
नीट कपडे घाल ग बाई
या जगाची तुझ्यावरच वाईट नजर आहे...
तू एक मॉडर्न युगातील आहेस
मग काय झालं? संस्कार ते संस्कार च
विसरायचं नाहीस...

तुला सतत स्वतःला सिद्ध करावच लागेल

तुझे स्वप्न... छे गं तुझ्यासाठी तुझ्या आई बाबांनी पाहिलेलं स्वप्न
तुला च तर पूर्ण करायचं
तू तुझं कर्तव्य पार पडलास, स्वप्न पूर्ण करून
आता त्यांची वेळ ते त्यांची जबाबदारी पाडतील
नव्याचे नऊ दिवस हवेत जातील मग प्रश्न उभा राहील अस्तित्वाचा
हो गं माहित आहे तुला स्वतःचे मतं आहेत
पण पुरुषप्रधान संस्कृती गं आपली, इथं थारा नाही
YOU ARE TAKEN FOR GRANTED
चूल आणि मुलं असं काही नाही ग राहील आता पण
तुझं जगणं हे फक्त दुसऱ्या साठीच
तरी एक दिवस येईल आपलेच वाटणारे माणसं विचारतील
तू काय केलंस आमच्या साठी ???
तू कोलमडू नकोस तू मुळूमुळू रडणार्यां मधली नाहीस
धडा घे आणि मार उंच भरारी परत एकदा
आता मात्र नको करुस कोणाचा विचार
परत चूक नको...
तू समर्थ आहेस स्वतःसाठी
घडव परत एकदा नवीन इतिहास तुझ्या मुली साठी
तुझ्या भूमीसाठी...


मग परत प्रश्न उभा राहतो असं कितीदा एका स्त्री ला ह्या एवढ्या मोठ्या अग्निदिव्यातून जावं लागणार ???
कितीवेळेस अस तिने स्वतःला सिद्ध करावं???
एकदा मुलगी म्हणून एकदा बायको ,सून(आई वडलांचा उद्धार नको म्हणून ) नंतर आई म्हणून शिवाय तीच स्वतःच काही तरी समाजात स्थान असतंच तेही तिला कायम सिद्ध करावं लागत...
हं ती दाखवत नाही, ती सांभाळून घेते...
एकदा विचार करून बघा तिचा तिच्या बाजूने, एकदा स्वतःला ठेऊन बघा तिच्या जागेवर...
किती चिडचिड होईल बघा...
नाही तुम्ही नाहीच घेऊ शकत समजून कारण देवाने तिला वेळ काढून बनवलं आहे म्हणून ती परिपूर्ण आहे तुम्ही तसे होणे नाही

तरी ती खंबीर असते स्वतःला सिद्ध करायला न डगमगता

 प्रश्न उभा राहतो च खरंच स्त्री सशक्तीकरण झालंय ????

 GRAND SALUTE TO ALL WOMEN...

कातरवेळ

वैरी मेली कुठली उगाच नाही म्हणत तिला...होत्याच नव्हतं करून टाकते अगदी... अशाच एका कातरवेळी का कुणास ठाऊक खूप बैचेन होत.. मनात वाईट साईट विचारांनी काहूर मांडलेलं असत.. मग माणूस कधी भूतकाळात शिरतो त्यालाही कळत नाही... मग मनात खोलवर सुरु होतो खेळ गप्पांचा... भांडत बसतो भूतकाळ आणि वर्तमानकाळ... 

भूतकाळ : तुला म्हणत होतो तू जे काही करत आहे ते चुकीच आहे. 

वर्तमानकाळ : काय चूक आहे चांगलंच झालं कि माझं. 

भूतकाळ : हे असं समजवून घेत आली ना स्वतःला म्हणून कोणी विचार करत नाही तुझा.  

वर्तमानकाळ : तस केलं नाही तर माझा थारा च लागणार नाही ह्या जगात. 

भूतकाळ : अगं दुसऱ्या साठी झिजावं गं पण इतकं हि नाही कि तो आपल्याला लाकूड समजून बसेल. 

वर्तमानकाळ : हम्म....अ  ......  .... ........ 

भूतकाळ : चंदन आहेस तू चंदन कळतंय का तुला मी काय म्हणतोय ते... अगं पण ऐकलं असत माझं तर काय बिघडलं असत अजून चांगलं झालं असत. 

वर्तमानकाळ : अरे पण अजून चांगलं म्हणत म्हणत कुठे तरी थांबावं लागत च ना नाही तर हातातली गोष्ट निसटून जाते. 

भूतकाळ : कुठेतरी म्हणजे चांगल्याच ठिकाणी थांबायला लावल असत तुला. 

वर्तमानकाळ : नशीब नेहमीच साथ देईल असं होत नाही नेहमी. 

भूतकाळ : नशिबाचे धडे तू नको देउ गं मला... किती कष्ट केलेत तू माहित आहे मला आणि अजून केले सुद्धा असते. 

वर्तमानकाळ : खरंच थांबायला हवं होत का? 

भूतकाळ : आता तू फक्त विचार च करत बस त्याचा ऐकलं नाही ना माझं... 

वर्तमानकाळ : जाऊदे ना कोणत्या वेळी तू पण काय घेऊन बसलाय. मी रमलीये इथे. छान आहे सगळं. 

भूतकाळ : बस स्वतःची समजूत काढत मी जातो. आठवण अली कि बोलव लगेच येईल तुझ्यासाठी. 

वर्तमानकाळ :  अ..... ..... 

बिचारा भूतकाळ फक्त आतून ओरडत राहिला वर्तमानकाळाला त्याचा काही एक फरक पडला नाही. 

भूतकाळ अजूनही मनात काहूर मांडत होता पण अजून काही बोलायच्या आधीच वर्तमानकाळातील कामाचा ढीग आठवून भूतकाळाला धुडकावून लावते आणि मूग गिळून कामाला लागते विचार करत भूतकाळाच खरं झालं असत तर???? 

एक स्त्रीच दुसऱ्या स्त्री च्या अधोगती च कारण आहे?

खरा विजेता कोणाला म्हणाल हे तुम्हीच मला सांगा... 

एका वृत्तपत्राद्वारे एक स्पर्धा जाहीर केली गेली फक्त स्त्रियांसाठी च... ५ जणी शेवटच्या राऊंड ला गेल्या... त्यात सगळ्याच आपापल्या ठिकाणी सर्वोच्च होत्या पण प्रत्येक जण प्रत्येक क्षेत्रात अव्वल असेलच अस तर होत नाही ना ...  आता त्यांना price  distribution  च्या कार्यक्रमात बोलण्या साठी आयोजकांनी सांगितलं होत म्हणून त्यांनी आधीच तयारी करायची ठरवली आणि त्यांनी आपला एक whatsapp group ओपन केला... त्या ५ जणींच्या group मध्ये एक पंचविशीतली मुलगी होती आणि बाकी ३५-४० शीतल्या... त्यांची एका technical topic वर  चर्चा सुरु होती त्यात बाकी जणींना थोडे प्रश्न पडले होते ते चर्चा करतच होत्या आणि हिने ते पाहिलं, तिला सोलुशन माहित होत म्हणून हिने लगेच त्यांना सांगून टाकलं ... तिने असा विचार नाही केला कि यांना न सांगता आपण उद्या  जास्त चांगल्या रीतीने स्वतःला present करू शकू... पण त्या बाकी जणींनी तिला ignore केलं जेव्हा आयोजकांनी same solution दिलं तेव्हा त्यांना थोडं awkword झालं... 

दुसऱ्या दिवशी कार्यक्रमाची सुरवात झाली त्यात त्या चौघींनी तिला एकटंच पाडलं होत तिला थोडं वाईट वाटलं... ह्या गोष्टींचा विचार न करता तिने तीच बेस्ट दिल आणि सगळ्यांचं मन जिंकलं... 

आता वाईट बाकी चौघींना वाटत होतं... 

काय हरकत होती जर त्यांनी तिला प्रोत्साहन दिल असत तर नवीन पिढी जास्त update आहे मग त्यांच्या कडून काही शिकायला भेटत आहे तर शिकावं ना... नवीन पिढीचं तास नाहीये ते जे समोर शिकण्या सारखं आहे ते सगळं आत्मसात करत असतात... 

३-४ वर्षांपूर्वी T.V. वर एक ad लागायची... असच काहीस दाखवलं होत त्यात...आज काल fashion  बदलत चालली आहे त्यात एक थोडे छोटे कपडे घालून मुलगी जातांना दाखवलं आहे आणि तिच्या कडे एक मुलगा वाईट नजरेने बघत असतो तेव्हा गॅलरी मधून बघणारी एक वयस्कर बाई त्या मुलीलाच रागवत असते... असे २-३ उदाहरण दाखवून ad च्या शेवटी हेच सगळं उलट दाखवलं आहे म्हणजे जर त्या बाई ने त्या मुलालाच रागवलं असत आणि त्या मुलीच्या कपड्यांच्या चॉईस ला प्रोत्साहन दिल असत तर जास्त चांगलं झालं असत... आठवली का ad ???

पण आजही  तीच परिस्थिती आहे... एक बाईचं दुसऱ्या बाईच्या प्रगतीवर जळत असते... आज बऱ्याच घरात सासू सुनेचं भांडण दिसत कशावरून तर सासू म्हणते आमच्या वेळेस असं नव्हतं म्हणून सुनेला पण तास करू द्यायचं नाही का अहो पण तुमच्या काळात नव्हतं आणि तुम्ही ते करायचा प्रयत्न सुद्धा केला नसेल पण आजची मुलगी प्रयत्न करते आहे नवीन सगळं शिकण्याची मग काय हरकत आहे... 

आज कितीतरी बायका विविध क्षेत्रात काम करत आहे पण कुठे तरी त्यांची मानसिक स्थिती बदलत आहे अस वाटत आहे... काय होणार आहे दुसऱ्याच्या प्रगतीवर जळून समोरच्या व्यक्ती मध्ये आपल्या पेक्षा काहीतरी चांगले गुण आहे आपणही ते आत्मसात केले पाहिजे असा विचार करून बघा मुली अजून प्रगती करतील... 

(तुम्हाला काय वाटत जरूर कळवा !

धन्यवाद !!!)

डॉक्टर आनंदीबाई गोपाळराव जोशी

डॉक्टर आनंदीबाई गोपाळराव जोशी कालच चित्रपट प्रकाशित झालाय... बऱ्याच लोकांना माहीतही नसेल... हा पण त्यांना हिंदी चित्रपट विचारा लगेच सांगतील... हीच तर खरी खंत आहे मराठीचित्रपट श्रुष्टीची... 

आनंदीबाई जोशी!!! भारतीय पहिल्या महिला डॉक्टर... चित्रपट खूप छान आहे खूप मेहनत घेतलीये कलाकारांनी त्यांच्या मेहनतीला फळ येईल जर तुम्ही सिनेमा गृहात जाऊन चित्रपट पहिला तर... 

आनंदीबाईची जिद्दीला तर सलाम आहे पण जस प्रत्येक यशस्वी पुरुषामागे स्त्री असते तसंच प्रत्येक यशस्वी स्त्रीमागे एक पुरुष असते हे गोपाळराव विनायक जोशी यांनीं १८०० च्या काळातच सिद्ध करून दाखवलं आहे... आजही २० व्या शतकात प्रत्येक आई मुलीला शिकवतेच तू किती जरी मोठी अधिकारी झाली तरी तुला भाकरी थापाव्याच लागतील... त्या आई च काही चुकीचं नाही म्हणा आज च्या पुरुष मंडळींची विचार सारणीच तशी आहे हा सगळे च नाहीत तसे पण अजून हि असे पुरुष आहे ह्या जगात... त्यांनी आवर्जून हा चित्रपट पाहावा... 

चांगल्या चित्रपटाची प्रसिद्धी झालीच पाहिजे... 

व्यर्थ ना हो ये बलिदान !!!

२ दिवस झाले आता पुलवामाच्या अतिरेकी हल्ल्याला... सगळ्यांनी आपापल्या परीने श्रद्धांजली दिली... पण श्रद्धांजली वाहिली म्हणजे आपलं कर्तव्य संपलं अस असत का ? काल फार्मा कंपनी मध्ये काम करणाऱ्या मुलाने फेसबुक वर पोस्ट टाकली  'हि तर surgical strike ' त्याला कामावरून काढण्यात आले पण याचा अर्थ काय घ्यायचा आपण आपल्याच देशात आपले शत्रू ठेवले आहे? सिद्धू म्हणतो दहशत वाद्याला देश नसतो... हे समर्थन का करत आहे... निदान आपण ज्या देशात राहतो ज्या देशाने आपल्या कलेला उचलून धरलं आहे त्या देशातल्या जनतेचा तरी थोडा मान ठेवायचा...
बाकीच्यांचं जाऊद्या हो एक वेळ पण काय झालं surgical strike करून सुद्धा URI ची पुनरावृत्ती झाली च ना किंबहुना जास्त जवान शहीद झाले... त्यांची हिम्मत च कशी होते पुन्हा हल्ला करण्याची बरं आपण त्यांच्या वर कितीही विश्वास ठेवा ते आपल्याला परत परत दगा देतातच ...भारत इतका कनवाळू देश आहे असा मला नाही वाटत... याला कायमचा उपाय शोधायलाच पाहिजे...
आपल्या देशावर हल्ला झाला कि आपण निषेध व्यक्त करतो... मोर्चे काढतो... आणि शांत बसून बघत बसतो... 

हे राजकीय पक्ष देशात छोट्याशा कारणावरून 'भारत बंद' करू शकता ... इथे शक्ती वाया घालवण्या पेक्षा तिकडे काही तरी करून दाखवावं त्यांनी... आमदार खासदार होण्यास पात्रतेच्या अटी मध्ये जर घरातला एक तरी सदस्य सैन्यात हवा अशी अट टाकण्यात अली तर जास्त चांगलं होईल...  

आपला देश विकसनशील देश आहे... चांगल्या रीतीने प्रगती करत आहे.. नवीन शोध लावले आहे... सक्षम आर्मी आहे... आज पर्यंत ह्या देशात इतके दहशतवादी हल्ले होऊन सुद्धा आपल्या मुलाला सीमेवर पाठवायची तयारी आहे त्या मातेची... मग सरकार वाट कसली बघत आहे... का म्हणून त्या आई ने अर्ध शरीर स्वीकारावं जर तुम्ही अर्धा इंच भरत नाही म्हणून नाकारतात सैन्य भरतीच्या वेळेस... याचा विचार सरकारने करायला च हवा... 

श्रीलंका आपल्या पेक्षा कित्येक पटीने छोटा देश आहे... सैन्य तर अगदी थोडं आहे पण त्यांनी त्यांच्या देशातील दहशतवाद चा प्रश्न कायमचा मिटवला आहे... 

आपण कसली वाट बघत आहोत... आपण का इतका वेळ घेतो... 

सरकार नक्कीच लवकर काय तो निर्णय घेईल याची अपेक्षा आहे भारतीयांना... 

तुमच्या मताची अपेक्षा 

जय हिंद !